गडचिरोली :- ६८-गडचिरोली(अ.ज.) या विधानसभा मतदारसंघाचे सामान्य निवडणूक निरीक्षक राजेंद्र कुमार कटारा(भा.प्र.से.)यांनी दिनांक ३०ऑक्टोबर २०२४ रोजी गडचिरोली विधानसभा मतदार संघातील गडचिरोली येथील धानोरा रोडवरील शिवाजी महाविद्यालयातील मतदान केंद्र क्रमांक ९२ या दिव्यांग मतदान अधिकारी संचलित मतदान केंद्राला भेट देऊन सोयी सुविधांची व स्वच्छतेचे पाहणी केली. तसेच त्यांनी पारडी नाका येथील स्थिर निगराणी पथकाला भेट देऊन सदर नाक्यावरील वाहन तपासणी बाबत आढावा घेतला व निवडणूक संदर्भात नियमांचे पालन करून योग्य प्रकारे वाहनांची तपासणी करण्याच्या सूचना दिल्या. सामान्य निवडणूक निरीक्षक राजेंद्र कुमार कटारा (भाप्रसे)यांनी येथील शासकीय औद्योगिक प्रशिक्षण संस्थेत असलेल्या सुरक्षा कक्षाची सुद्धा पाहणी करून निवडणूक आयोगाच्या निर्देशाप्रमाणे महत्त्वाच्या सूचना दिल्या.
यावेळी त्यांच्यासोबत गडचिरोली विधानसभेसाठी नियुक्त झालेले कायदा व सुव्यवस्था निवडणूक निरीक्षक हृदय कांत (भापोसे),खर्च निवडणूक निरीक्षक राजेश कल्याणम(भाप्रसे), अपर पोलीस अधीक्षक एम.रमेश(भापोसे), गडचिरोली विधानसभा मतदार संघाचे निवडणूक निर्णय अधिकारी तथा उपविभागीय अधिकारी राहुल कुमार मीना ,सहाय्यक जिल्हाधिकारी तथा उपविभागीय अधिकारी (चामोर्शी)अमित रंजन व अन्य अधिकारी उपस्थित होते.
