नागपूर :- स्वच्छ भारत अभियान अंतर्गत नागपूर महानगरपालिकेच्या उपद्रव शोध पथकाने शुक्रवार (ता.07) 8 प्रतिष्ठानांवर कारवाई करून 50 हजार रुपयांचा दंड वसूल केला. लक्ष्मीनगर झोनच्या उपद्रव शोध पथकाद्वारे मे. श्री }लॅट, लक्ष्मीनगर, नागपूर व मे. अष्टविनायक, जयप्रकाश नगर, नागपूर यांच्यावर रस्त्यालगत बांधकाम साहित्य पसरविल्याबद्दल कारवाई करून प्रत्येकी 10 हजार रुपयांचा दंड वसूल करण्यात आला.धरमपेठ झोनच्या उपद्रव शोध पथकाद्वारे मे. ओम इंडस्ट्रीस हल्दीराम, सिताबर्डी, नागपूर, यांच्यावर किचनमधील कचऱ्याद्वारे चेंबर ब्लॉक केल्याबद्दल कारवाई करून 30 हजार रुपयांचा दंड वसूल करण्यात आला.
तसेच मे. अल्फा सी.बी.एस.सी. पॉईंट, दाभा, नागपूर व मे. शालोम विद्या मंदिर, दाभा, नागपूर यांच्यावर इलेक्ट्रीक पोलवर अनधिकृतपणे बॅनर व होर्डींग लावल्याबाबत प्रत्येकी 10 हजार दंड वसूल करण्यात आला. गांधीबाग झोनच्या उपद्रव शोध पथकाद्वारे मे. संजय किराणा स्टोर्स, मंडी, इतवारी, नागपूर यांच्यावर प्लास्टिक पिशवीच्या वापर केल्याबद्दल कारवाई करून ५ हजार रुपयांचा दंड वसूल केला. मंगळवारी झोनच्या उपद्रव शोध पथकाद्वारे मे. मायरा स्टडी सेंटर, गिट़टीखदान रोड, नागपूर यांच्यावर इलेक्ट्रीक पोलवर अनधिकृतपणे बॅनर व होर्डींग लावल्याबाबत प्रत्येकी 5 हजार दंड वसूल करण्यात आला. तसेच हॉटेल दिल्ली ग्रिल, सदर, छावणी, नागपूर यांच्यावर हॉटेलचा कचरा फूटपाथवर आढळला आणि किचनमधील चिमणी कार्यरत नसल्यामुळे कारवाई करून 10 हजार रुपयांचा दंड वसूल केला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
