नागपूर :- केंद्रीय मंत्री नितीन गडकरी यांच्या संकल्पनेतून नागपूर शहरात सुरू असलेल्या खासदार क्रीडा महोत्सवातील हॉकी स्पर्धेत अंतिम फेरीत सीनिअर महिला गटात रायझिंग फाउंडेशनने आणि सीनिअर पुरूष गटात ध्यानचंद संघाने अजिंक्यपद पटकाविले. अमरावती मार्गावरील व्हीएचवर शनिवारी (ता.14) स्पर्धेची अंतिम फेरी पार पडली. 
अत्यंत चुरशीच्या सामन्यात ध्यानचंद संघाने इगल क्लबचा 9-8 ने पराभव करून विजेतेपदावर मोहोर उमटविली. फुल टाईमध्ये दोन्ही संघ 2-2 अशा बरोबरीत राहिले. ध्यानचंद संघाकडून कुणाल ठाकुरने 26 आणि 37 व्या मिनिटाला दोन गोल नोंदविले. तर मोहित काथुटेने 52 आणि 60 व्या मिनिटाला गोल करून इगल क्लबला बरोबरीत आणले.
टायब्रेकरमध्ये ध्यानचंद क्लबने 7 गोल नोंदविले. इगल क्लबला मात्र 6 गोलच करता आल्याने सामना ध्यानचंद संघाच्या पारड्यात गेला.
