-दिनेश दमाहे
सावनेर – सावनेरात आज 164 स्पर्धकांनी छत्रपती शिवाजी महाराज जयंती निमित्त समर्पण फाऊंडेशननी आयोजित तालुकास्तरीय चित्रकला स्पर्धेत नोंदणी केली. या कार्यक्रमाचे उद्घाटन मा. जगदीश कोकाटे साहेब, प्रमुख दिवाणी न्यायाधीश, सावनेर ह्यांच्या मंगल हस्ताने झाले. त्यांनी सर्व मुलांनी शिवाजी महाराजांच्या चरित्रा पासून तसेच प्रमुख वक्ते संजय भेलकर सर व प्रा. प्रथमेश देशपांडे ह्यांनी सर्व स्पर्धकांना छत्रपती शिवाजी महाराज यांच्या आदर्श चरित्राचे मनोहर व मोहक वर्णन केले.
कार्यक्रमाला लाभलेले परीक्षक चित्रकार प्राध्यापक डॉ. शशीकांत शे. रेवडे,प्राचार्य श्री कला महाविद्यालय यांनी “चित्रकला ही एका बिंदू पासून रेघा पर्यंत, रेघा पासून आकृती पर्यंत व आकृती पासून रंग, पोत व भाव ह्यांच्या सोबत जिवंत होते” असे सांगितले. तसेच “चित्रकार महिन्याला किती कमावतो हा योग्य प्रश्न नाही, त्याला एकदा कलेचा गंध सापडला की तो शंभर लोकांना पोसू शक्यतो. “असे मोलाचे मार्गदर्शन स्पर्धकाला केले.
पाषाण युगातील एक चित्र त्या संपुर्ण कालखंडाचे दर्शन घडविते. करिता Fine Arts समजण्यासाठी पैसाचा तराजू फार छोटा आहे. मुलांना चित्रकलेत समोर जाऊ द्या व स्वतः चा शोध घेऊ द्या असे आवाहन पण त्यांनी केले.
या तालुकास्तरीय चित्रकला स्पर्धेत सर्व विद्यार्थ्यांना शारीरिक अंतरावर व सुरक्षा नियमाने बसविण्यात आले.
कार्यक्रमाला यशस्वी करण्यासाठी फाऊंडेशन सावनेर चे अध्यक्ष अँड. अभिषेक मुलमुले यांनी सचिव कुलभूषण नवधिंगे, कोषाध्यक्ष तुषारजी उमाठे, उपाध्यक्ष डॉ. नितीन पोतडे, सहसचिव विनोदजी बागडे, डॉ.विलास मानकर, प्रविण नारेकर, मंदार मंगळे, . नरेंद्र ठाकूर, मनीष चित्तेवार व इतर मान्यवर यांचे आभार मानले.
कार्यक्रमाचे यशस्वी सूत्रसंचलनअभिषेक सिंघ यांनी केले व आभार प्रदर्शन डॉ. राहुल दाते यांनी केले.