नागपूर :- साहित्यधारा बहुउद्देशीय सेवाभावी संस्था, छत्रपती संभाजीनगर द्वारा दिला जाणारा ‘समाजभूषण पुरस्कार’ नागपूर येथील सामाजिक कार्यकर्त्या सुवर्णाताई रंगारी यांना त्यांच्या सामाजिक, सांस्कृतिक, शैक्षणीक कार्याचा व प्रबोधनाचा आदर्श लक्षात घेऊन हा पुरस्कार जाहीर करण्यात आला आहे.
साहित्यधारा बहुउद्देशीय सेवाभावी संस्थेचे अध्यक्ष डॉ.संघर्ष सावळे यांनी त्यांना याबद्दल तसे पत्र पाठवले आहे. या राज्यस्तरीय पुरस्काराचा वितरण सोहळा दि.५ मे २०२४ रोजी आईन्स्टाईन सभागृह, एमजीएम विद्यापीठ, छत्रपती संभाजीनगर येथे आयोजित करण्यात आला आहे. सुवर्णा रंगारी यांच्या द्वारा सामाजिक, सांस्कृतिक तसेच स्त्रीयांच्या आरोग्यविषयक जनजागृती चे कार्य अविरतपणे सुरू असून त्यांच्या या कार्याची दखल घेत हा पूरस्कार जाहीर करण्यात आला आहे.
