नागपूर :- नागपूर येथील कोषागार कार्यालया अंतर्गत निवृत्तीवेतन घेणा-या सर्व राज्य शासकीय निवृत्तीवेतन धारकांचे कुटुंब निवृत्तीवेतन धारकांचे ह्यातीचे दाखले नोव्हेंबर महिन्यात कोषागारात सादर करण्यात येतात. त्यानुसार सर्व निवृत्तीवेतन धारकांनी हयातीचे दाखले 30 नोव्हेंबर 2022 पर्यंत बँकेत सादर करावे.
ज्या कुटुंब निवृत्तीवेतन धारकांचे वय 80 वर्षे किंवा त्यापेक्षा जास्त असेल त्यांनी आपल्या वयाचा पूरावा म्हणून स्वत:चे आधार कार्ड, पॅन कार्ड तसेच पासबुकाची छायांकित प्रत कोषागारात सादर करावी जेणेकरुन त्यांना वाढीव निवृत्तीवेतन अदा करणे शक्य होईल. असे दाखले आपल्या अर्जासह 30 नोव्हेंबर 2022 पर्यंत न चुकता कोषागार कार्यालय येथे सादर करावेत यांची सर्व निवृत्तीवेतन व कुटुंब धारकांनी नोंद घ्यावी, असे वरिष्ठ कोषागार अधिकारी, नागपूर यांनी कळविले आहे.
