संदीप कांबळे, विशेष प्रतिनिधी
कामठी :- गुरू पौर्णिमा तसेच आषाढ पोर्णिमाच्या निमित्ताने कामठी येथे असलेल्या विश्वविख्यात ड्रॅगन पॅलेस परिसरात असलेल्या ड्रॅगन पॅलेस विपस्यना मेडिटेशन सेंटर येथे रविवार दिनांक 21 जुलै ला सकाळी साडे नऊ ते सायंकाळी साडे चार पर्यंत एक दिवसीय ध्यान शिबिराचे आयोजन करण्यात आले आहे.
या एक दिवसीय ध्यान शिबिरात किमान एक दहा दिवसीय ध्यान शिबीर झालेल्या साधकांना थेट सहभाग घेता येईल. शिबिराचे संचालन व मार्गदर्शन विपस्वी सहययक आचार्य करणार आहेत.या एक दिवसीय ध्यान शिबिराचा धम्म लाभ घ्यावा असे आवाहन ड्रॅगन पॅलेस च्या प्रमुख व माजी राज्यमंत्री ऍड सुलेखा कुंभारे यांनी केले आहे.
वर्षावास शुभारंभाच्या पाश्वरभूमीवर रविवार 21 जुलै ला सकाळी 8 वाजता ड्रॅगन पॅलेस टेम्पल येथे पुज्यनिय भिकू संघाद्वारे ऍड सुलेखा कुंभारे यांच्या प्रमुख उपस्थितीत अष्ठशील देण्याचे आयोजन करण्यात आले आहे.
