नागपूर :-नागपुरच्या दिशेने येणार्या रेल्वेच्या धडकेत एका वृध्द महिलेचा जागीच मृत्यू झाला. वेणू सावंत (70), रा. बोरखेडी, असे मृतक महिलेचे नाव आहे. ही दुर्देवी घटना बुधवार 22 फेब्रुवारी रोजी सकाळी 11 वाजताच्या सुमारास बोरखेडी रेल्वे स्थानक परिसरात घडली.
वृध्द महिला सकाळी घरून निघाली. फिरायला जातो असे सांगून ती रेल्वे स्थानक परिसरात आली. पलिकडे जाण्यासाठी ती रेल्वे मार्ग ओलांडत होती. त्याच वेळी मुंबई कडून नागपुरच्या दिशेने येणार्या मेलच्या धडकेत वृध्द महिलेचा जीव गेला. याघटनेची नागपूर लोहमार्ग पोलिसांना सूचना मिळाली. पोलिस हवालदार संदीप धंदर आणि शिपाई शैलेश रामटेके यांनी घटनास्थळी धाव घेतली. पंचनामा करून शवविच्छेदनासाठी पाठविले. घटनास्थळी मृतकाच्या कुटुंबातील सदस्यांसह परिसरातील नागरिकांची गर्दी होती. या प्रकरणी लोहमार्ग पोलिसांनी नोंद केली आहे.
@ फाईल फोटो