मराठी भाषा दिनाच्या पार्श्वभूमीवर विशेष मुलाखत
मुंबई, दि. 18 : – माहिती व जनसंपर्क महासंचालनालय निर्मित दिलखुलास कार्यक्रमात राज्य मराठी विकास संस्थेचे संचालक संजय पाटील यांची विशेष मुलाखत प्रसारित होणार आहे. ही मुलाखत राज्यातील आकाशवाणीच्या सर्व केंद्रांवरून व ‘न्यूज ऑन एआयआर’ या मोबाईल ॲपवर सोमवार दि. २१ फेब्रुवारी, मंगळवार दि.२२ फेब्रुवारी आणि बुधवार दि.२३ फेब्रुवारी २०२२ रोजी सकाळी ७.२५ ते ७.४० या वेळेत प्रसारित होईल. ज्येष्ठ निवेदक उत्तरा मोने यांनी ही मुलाखत घेतली आहे.
राज्य मराठी विकास संस्थेच्या स्थापनेमागची भूमिका,संस्थेच्या कामाचे स्वरूप,मराठीला अभिजात भाषेचा दर्जा मिळण्यासाठी शासनाचे सुरू असलेले प्रयत्न,मराठी भाषा संवर्धन पंधरवडा,वाचन प्रेरणा दिन,पुस्तकांचे गाव या विषयांची सविस्तर माहिती श्री.संजय पाटील यांनी ‘दिलखुलास’ या कार्यक्रमातून दिली आहे.
