बेला :- मंगळवारला सकाळी झालेल्या पावसामुळे वातावरणात थंडीचा गारवा वाढला. त्यामुळे रात्री घातलेले स्वेटर व कानावरील उबदार वस्त्र लोकांनी दिवसभर काढलेच नाही. अवकाळी पडलेल्या पावसाने शेतकऱ्यांचा शेतातील झाडाच्या बोंडावरील कापूस ओला झाला. त्यामध्ये नुकसान होण्याची शक्यता वर्तवली जाते. झोप झाल्यानंतर सकाळपासून वातावरणात अनपेक्षितपणे हवामान बदल झाला. आणि हळूहळू सुरू झालेला पाऊस दुपारी बारा वाजेपर्यंत वाढत गेला. त्यामुळे आवागमन व जनजीवन ठप्प पडले. प्रवासी नसल्यामुळे अनेक बसेस रिकाम्या गेल्या. बाजारपेठेत ग्राहकांचा शुकशुकाट झाला. वाऱ्यासह पाऊस पडल्यामुळे काही भागातील वीज यंत्रणा खंडित झाली होती.
