MPSC करणार 8 हजार पदांवर ऐतिहासिक मेगाभरती
गोंदिया :- महाराष्ट्रातील युवा पिढीच्या स्वप्नांना पंख देणारी ही मोठी आनंदाची बातमी आहे. राज्य सरकारी पदभरतीची तयारी करणाऱ्या युवक-युवतींसाठी महाराष्ट्र लोकसेवा आयोगाकडून (MPSC) आतापर्यंतच्या सर्वात मोठ्या भरतीची घोषणा करण्यात आली असून विविध संवर्गातील 8 हजार 169 पदे भरली जाणार आहेत.
महाराष्ट्राच्या इतिहासात आजवर 8 हजार इतक्या मोठ्या संख्येने पदभरती होण्याची ही पहिलीच वेळ आहे. तसेच लिपिक पदे आता महाराष्ट्र लोकसेवा आयोगामार्फत भरली जात आहेत. लिपिक पदभरतीत गैरप्रकाराच्या बातम्या येत असत; पण आता नक्कीच प्रामाणिक आणि होतकरू उमेदवार नोकरीस लागतील. हे सर्व विद्यार्थी मित्रांचे यश आहे. या सर्व उमेदवारांचे अभिनंदन आणि परीक्षेतील यशासाठी शुभेच्छा!
आमदार विनोद अग्रवाल
