संदीप कांबळे,विशेष प्रतिनिधी
कामठी ता प्र 10;-विधानसभा सार्वत्रिक निवडणूक 2024 अंतर्गत 58-कामठी विधानसभा मतदार संघाकरिता ईव्हीएम मशीन प्राप्त झाल्या असून सदर ईव्हीएम मशीनचे द्वितीय यावदच्छिकरण हे उमेदवार, राजकीय पक्षाचे प्रतिनिधी यांच्या उपस्थितीत आज 10 नोव्हेंबर ला निवडणूक निरीक्षक सुनील कुमार,निवडणूक निर्णय अधिकारी सचिन गोसावी यांच्या मार्गदर्शनार्थ पार पडले.यावेळी उपस्थित उमेदवारांना सदर प्रक्रिया समजवून सांगण्यात आली.तसेच मतदान केंद्राची यादी ,व्हीआयएस चे वेळापत्रक ,
मशीनची यादी इत्यादींच्या प्रति पुरविण्यात आल्या.
तसेच 14 व 15 नोव्हेंबर रोजी गृहमतदान होणार असून त्याबाबत निवडणूक आयोगाच्या निर्देशांचे पालन करण्याचे निर्देश निवडणूक निरीक्षक यांनी दिले.यावेळी निवडणूक निरीक्षक सुनील कुमार यांनी दिल्ली पब्लिक स्कुल कामठी येथील प्रशिक्षण स्थळाला भेट देऊन प्रशिक्षणास आलेल्या कर्मचारी यांचेशी संवाद साधला व त्यांना निवडणूक विषयी बारकावे समजून घेण्याचे निर्देश दिले.
