नागपूर : जिल्हा वार्षिक योजनेचे प्रारूप आराखडे अंतिम करण्यासाठी नागपूर विभागाची राज्यस्तरीय बैठक उपमुख्यमंत्री देवेंद्र फडणवीस यांच्या अध्यक्षतेखाली 27 जानेवारी 2023 रोजी विभागीय आयुक्त कार्यालय येथे आयोजित करण्यात आली आहे.
या बैठकीच्या जिल्हानिहाय वेळापत्रकानुसार चंद्रपूर जिल्ह्याची बैठक दुपारी 4 ते 4.30 पर्यत, गोंदिया 4.30 ते 5, गडचिरोली सायंकाळी 5 ते 5.30, वर्धा 5.30 ते 6, भंडारा 6 ते 6.30 आणि नागपूर जिल्ह्याची बैठक सायंकाळी 6.30 ते 7 या वेळेत होणार आहे.
नागपूर विभागात सुरू असलेल्या शिक्षक विधानपरिषद मतदारसंघाच्या निवडणूक आचारसंहितेच्या पार्श्वभूमीवर निवडणूक विभागाने जिल्हा वार्षिक योजनेच्या राज्यस्तरीय बैठकीसाठी सशर्त परवानगी दिली आहे. त्याअनुषंगाने सदर बैठकांमध्ये घेण्यात आलेल्या निर्णयांबाबत कोणत्याही प्रकारची घोषणा तसेच माध्यमांमध्ये प्रसिद्धी करता येणार नसल्याचे विभागीय आयुक्त विजयलक्ष्मी बिदरी यांनी कळविले आहे.
