नागपूर :- फिर्यादी विशाल हरीदास मेश्राम वय ३४ वर्ष रा. भगवान नगर, प्लॉट न. २० पोलीस ठाणे अजनी हद्दीत, मानेवाडा रिंग रोड, बम्हा बार अँड रेस्टारेंट येथुन दारू घेवून झाल्यानंतर बाहेर आले. बारचे बाहेर आधिपासून उभा असलेल्या अज्ञात आरोपीने त्यांच्या जवळ येवून फिर्यादीचे गळ्यातील सोन्याची चैन वजनी १५ ग्रॅम किमती ७०,०००/- रु. ची जबरीने हिसकावून पळून गेला. फिर्यादी यांनी पोलीस ठाणे अजनी येथे दिलेल्या तक्रारी वरून पोउपनि मस्के यांनी कलम ३९२ भादवी अन्वये गुन्हा नोंदविला
अजनी पोलीसांनी त्वरीत दखल घेवून घटनास्थळी भेट दिली. फिर्यादीने सांगितलेले वर्णन व घटनास्थळी विचारपूस करून मिळालेल्या वर्णनावरून आरोपी निशांत सुरेश माकडे, वय ३३ वर्ष, रा. न्यू कैलास नगर, नाल्याजवळ अजनी यास निष्पण केले व त्याचा परिसरात शोध घेवून त्यास ताब्यात घेतले. आरोपीने गुन्हयाची कबुली दिल्याने आरोपीस अटक केली आहे आरोपीचे शोधकामी सपोनि आगरकर, पोउपनि मस्के, पोहवा बहु कळंबे, नापोअ अविनाश ठाकुर व परवेज खान यांनी प्रयत्न केले. पुढील तपास सुरू आहे.
