नागपूर : मंगळवारी 7 मार्च रोजी साजरी होणारी धुळवड पर्यावरण पूरकरित्या साजरी करा, असे आवाहन मनपा आयुक्त तथा प्रशासक राधाकृष्णन बी. यांनी नागपूरकरांना केले आहे.
मंगळवारी धुलीवंदन साजरे करताना पाण्याचा वापर टाळावा तसेच रासायनिक रंगांचाही वापर करू नये. त्याऐवजी पर्यावरणपूरक हर्बल रंगांचा वापर करावा. होळी हा आनंदाचा सण आहे. रासायनिक रंगांचा वापर करून कुणाला इजा पोहोचवून या उत्सवाला गालबोट लावू नये. पर्यावरण संवर्धनाच्या दृष्टीने आपली ही कृती अत्यंत महत्वाची ठरणार असून नागपूरकर जनतेने याबाबत पुढाकार घेण्याचे आवाहन आयुक्तांनी केले आहे.
