संदीप कांबळे, विशेष प्रतिनिधी
कामठी ता प्र 25 :- येत्या काही दिवसांमध्ये कामठी नगर परिषद ची निवडणूक प्रक्रियेचा डंका वाजणार आहे. अश्यातच आता विद्यमान नगरसेवकासह निवडणुकीच्या रिंगणात उतरणारे इच्छुकांचे दर्शन देखील आता व्हायला लागले आहे.आणि आताच्या निवडणुकीच्या काळात काही अपवाद व्यक्ती वगळता कधी न दिसणारे चेहरे ही समाजसेवेत उतरले दिसून येत आहेत त्यातच आगामी निवडणुकीच्या पाश्वरभूमीवर हवसे नवसे व इच्छुक उमेदवार आतापासूनच निवडणुकीच्या कामाला लागले आहेत.
निवडणुकीच्या पाश्वरभूमीवर रिंगणातील उमेदवारांचा शो ऑफ दिसून येत आहे.ही परिस्थिती शहरातील एकाच प्रभागातील नसून बहुतांश भागात अश्याच प्रकारचा शो ऑफ दिसून येत आहे.अश्यातच आता काही समस्या असल्यास अर्ध्या रात्रीही कळवा अशी बतावणी या काळात इच्छुक उमेदवाराकडून केली जात आहे.त्यामुळे शहरात निवडणुकीचे वारे घुसल्याचे दिसून येत आहे.
