संदीप कांबळे, विशेष प्रतिनिधी
कामठी :- कामठी रेल्वे स्टेशन हद्दीत येणाऱ्या हावडा नागपूर अप्पर रेल्वे लाईन पोळ क्र 1120/4 व 1121/5 च्या मधात अज्ञात रेल्वे गाडीच्या धडकेने एका तरुणाचा अपघाती मृत्यू झाल्याची घटना सकाळी 10 दरम्यान निदर्शनास आली असून मृतक तरुणाचे नाव महेश मडावी वय 37 वर्षे रा लामटा,मध्यप्रदेश असे आहे.
घटनेची माहिती मिळताच नवीन कामठी पोलिसांनी त्वरित घटनास्थळ गाठून घटनास्थळाचा पंचनामा करीत मृतदेह ताब्यात घेऊन पुढील उत्तरीय तपासणीसाठी मृतदेह शासकीय उपजिल्हा रुग्णालयात हलविले आहे.पोलिसांनी तूर्तास आकस्मिक मृत्यूची नोंद केली असून पुढील तपास सुरू आहे.
