संदीप कांबळे, विशेष प्रतिनिधी
कामठी :- स्थानिक नवीन कामठी पोलीस स्टेशन हद्दीत येणाऱ्या आवंढी गावातील एका शेतमालकाच्या शेतात ठेका पद्धतीने शेती करणाऱ्या अल्पभूधारक तरुण शेतकऱ्याचा शेतातील विहिरीत पडून दुर्दैवी मृत्यू झाल्याची घटना आज सायंकाळी पाच दरम्यान घडली असून मृतक तरुणाचे नाव कोमल लांभाडे वय 28 वर्षे रा आवंढी तालुका कामठी असे आहे.
पोलिसांनी दिलेल्या माहितीनुसार सदर मृतक हा अल्पभूधारक शेतकरी असून किसनाबाई मानमोडे यांच्या शेतात मागील ठेका पद्धतीने शेती करत असता आज सायंकाळी पाच दरम्यान सदर मृतक विहिरीत पडल्याची माहिती कळताच पोलिसांनी घटनास्थळ गाठून मृतदेह विहिरीबाहेर काढून पुढील उत्तरीय तपासणीसाठी शवविच्छेदनगृहात हलविण्यात आले.पोलिसांनी तुर्तास आकस्मिक मृत्यूची नोंद केली असली तरी आत्महत्या असावी असा तर्क लावण्यात येत आहे.मृतक हा अविवाहित असून मृतकाच्या पश्चात कुटुंबात आई वडील एक भाऊ व एक बहिण असा आप्तपरिवार आहे
