नागपूर :-पोलीस ठाणे हुडकेश्वर हद्दीत प्लॉट नं. ९. सुदर्शन नगर, चैतन्य हार्डवेअर समोर, न्यु नरसाळा रोड, नागपुर येथे राहणारे फिर्यादी प्रकाश मधुकरराव खोडके, वय ६५ वर्षे हे त्यांचे राहते घराला कुलूप लावुन शेगांव येथे देवदर्शनाकरीता गेले असता, कोणीतरी अज्ञात चोरट्याने फिर्यादीचे घराचे मुख्य दाराचे कुलूप तोडुन, घरात प्रवेश करून आलमारीतील सोन्या-चांदीचे दागिने व रोख १५,०००/- रू. असा एकुण किंमती ४,४०,०००/- रू. मुद्देमाल चोरून नेला.
याप्रकरणी फिर्यादी यांनी दिलेल्या तक्रारीवरून पोलीस ठाणे हुडकेश्वर येथे पोउपनि, नकाते यांनी अज्ञात आरोपीविरूध्द कलम ४५४, ४५७, ३८० भा.द.वि. अन्वये गुन्हा दाखल करून, आरोपीचा शोध घेत आहेत. पुढील तपास सुरू आहे.
