नागपूर :-पोलीस अधीक्षक नागपूर ग्रामीण हर्ष पोद्दार यांनी नागपूर जिल्हयात अवैध धदयावर कारवाई करून अवैध धंदयाचे समुळ उच्चाटन करणेबाबत आदेश दिले आहेत त्यांचे मार्गदर्शनाखाली पोलीस अधिक्षक यांचे विशेष पथक हे अवैध धंदयावर कारवाई करीत असतांना दिनांक १६/०१/२०२४ चे ०९.१५ वा. ते ११.१० वा. सुमारास गोपनीय सुत्रधारकांकडुन मिळालेल्या माहितीवरून पोस्टे मौदा येथील माथनी येथे नाकाबंदी करीत असता यातील आरोपीतांनी संगणमत करून, आरोपी मालकांचे सांगणेप्रमाणे स्वतःचे आर्थीक फायद्या करीता शासनाची दिशाभूल करून एका रॉयल्टीवर ३ वाहने १) १२ चक्का टिप्पर वाहन क्र. एम. एच. ४०/सि.टी. ७४७५, २) १० चक्का टिप्पर वाहन क्र. एम. एच. ४०/ए.टी. ७४७५, आणि ३) १० चक्का टिप्पर वाहन क्र. एम.एच. ४०/ सि.एम. ७४७५ असे ३ वेगवेगळे वाहनांची सिरीज वेगवेगळी मात्र नंबर सारखेच चालवुन, रेती नांदेड येथुन लोड करून मौदा येथील रूट नसतांना माचनी मौदा नागपुर येथे आरोपीने आपले घरासमोर अनाधिकृतपणे साठवणुक करून, ईतर साथीदारांचे मदतीने जेसिबी आणुन अवैध विक्री करीत असल्याचे आढळुन आलेले आहे.
यातील आरोपी क्र. १) प्रकाश भय्याजी शिवणकर वय ३४ वर्ष, रा. वार्ड क्र. २ स्वराज्य नगर, मुंदडे लेआउट माथनी, तह. मौदा, जिल्हा नागपुर, चालक व मालक (१) एम. एच. ४० सि.टी. ७४७५ आणि २) एम. एच. ४० ए.टी. ७४७५ या दोन्ही वाहनाचा मालक तसेच एम. एच. ४० ए. टी. ७४७५ चा चालक), २) विशाल वसंता पुडके, वय २९ वर्ष (एम.एच. ४०/सि.टी. ७४७५ चा चालक), ३) विनोद जबदीश सैनी वय ३२ वर्ष, रा. हासपुर, पोस्ट श्रीमाधवपुर, तह, श्रमाधवपुर, जिल्हा सिख्खर राजस्थान, ह.मु. सि/ओ लक्ष्मीकांत मोथरकर माथनी मौदा, जिल्हा, नागपुर यांचे गरी किरायाने, (एम.एच.-४०/सि.एच. ४७३८ चा मालक), ४) मिलींद कोकाटे, वय ३० वर्ष, रा. माथनी, तह. मौदा, जिल्हा नागपुर, (एम.एच. ४०/ सि. एच.-४७३८ चा ऑपरेटर) आरोपीताविरूद्ध कलम ४२०, ३७९, १०९, ३४ भारतीय दंडविधान संहीता १८६०, सहकलम ४८ (७), ४८(८) महाराष्ट्र जमीन महसुल अधिनियम १९६६, सहकलम ४, २१ खानी आणि खनीजे (विकास आणि नियमन) अधिनियम १९५७, सहकलम ३, ४ सार्वजनिक मालमत्तेचे नुकसान प्रतीबंधक अधिनियम १९८४ प्रमाणे गुन्हा नोंद करण्यात आला आहे. आरोपीतांकडुन १) एक पांडया निळ्या रंगाचे टाटा कंपनीचे १२ चक्का टिप्पर एम. एच. ४० सि.टी. ७४७५ किंमती ४५,००,०००/-रू. २) एक पांढऱ्या निळ्या रंगाचे टाटा कंपनीचे १२ चक्का टिपर एम, एव, ४० सि.टी. ७४७५ मध्ये ०४ ब्रास रेती प्रत्येकी ५०००/- रू. प्रमाणे किमती २०,०००/-रु., ३) एम. एच. ४० ए.टी. ७४७५ मध्ये ०५ ग्रास रेती किमती २५,०००/-रू. ४) एक पिवळया रंगाची जेसीबी वाहन क्र. एम.एच-४०/सि.एच-४७३८ किंमती ३०,००,०००/- रू. ५) विविध कंपनीचे मोवाईल व इतर साहित्य २५५१०००/-रू. असा एकुण १,००,९६,०००/-रूपयाचा मुद्देमाल जप्त करण्यात आला आहे.
सदरची कारवाई ही सदरची कारवाई ही पोलीस अधीक्षक नागपूर (ग्रामीण) हर्ष पोद्दार (भा.पो.से.) तसेच अप्पर पोलीस अधीक्षक डॉ. संदीप पखाले यांचे मार्गदर्शनात सहायक पोलीस निरीक्षक अमित पांडे, पोहवा ललीत उईके, पोना प्रणय बनाफर, कार्तिक पुरी, बालाजी बारगुले, शुभम मोरोकार विशेष पथक नागपूर ग्रामीण यांनी पार पाडली.