खापरखेडा :- दिनांक ०८/०५/२०२३ चे रात्री २३/०० वाजता ते ०९/०५/२०२३ सकाळी ०६/०० वाजता दरम्यान पो.स्टे. खापरखेडा ह्यांत फिर्यादीची अल्पवयीन भाची वय १४ वर्षे ही उन्हाळ्याच्या सुट्टयांमध्ये त्यांच्या घरी राहण्यास आली होती. फिर्यादीची अल्पवयीन भाची ही कोणालाही न सांगता परस्पर त्यांचे राहते घर सोडून निघून गेली कोणीतरी अज्ञात इसमाने तिला फुस लावुन फिर्यादीच्या कायदेशीर रखवालीतून पळवून नेले आहे. मुलीचे वर्णन रंग गेहुआ, उंची ५ फुट ५ इंच बांधा मध्यम, चेहरा गोल, अंगात लाल रंगाची टीशर्ट नीळया रंगाचा जीन्स घातलेली.
सदर प्रकरणी फिर्यादी यांच्या रिपोर्टवरून पो.स्टे. खापरखेडा येथे आरोपीविरुध्द कलम ३६३ भादंवि कायद्यान्वये गुन्हा नोंद केला आहे. आरोपीचा शोध मेणे सुरू असून सदर गुन्हयाचा पुढील तपास पोलीस उपनिरीक्षक पीसे हे करीत आहे..
