नागपूर :- पोलीस ठाणे यशोधरानगर हद्दीत विनोबाभावे नगर कळमणा पुलाकडे पायदळ जाणारे देवदास गुलाबराव धेटे वय ४० वर्ष रा. कुंदनलाल गुप्ता नगर, यशोधरानगर यांना रोड क्रॉस करीत असता आरोपी एका लाल रंगाचे कार चालकने त्याचे ताब्यातील वाहन भरधाव वेगाने व निष्काळजीपणे चालवून त्यांना धडक मारून गंभीर जखमी करून पळून गेला. जख्मी यांना उपचाराकरीता मेयो हॉस्पीटल वार्ड क्र. ३९ येथे दाखल केले असता डॉक्टरांनी उपचारादरम्यान दि. १५.०६. २०२३ चे ०२.१५ वा. तपासून मृत घोषीत केले.
याप्रकरणी प्राप्त वैद्यकीय सुचनेवरून पोलीस ठाणे यशोधरानगर येथे पोउपनि पारोडे यांनी आरोपी वाहन चालकाविरुध्द कलम ३०४(अ) २७९, भा. दं. वी कलम १३४, १७० मो.वा.का अन्वये गुन्हा दाखल करून आरोपीचा शोध घेत आहे. पुढील तपास सुरू आहे.
