नागपूर :- डॉ. मधुकरराव वासनिक पी डब्ल्यू एस कला वाणिज्य व विज्ञान महाविद्यालया अंतगर्त पाली विभागाच्या वतीने ‘ऊर्जा, यश व बुद्धाचा मार्ग, या विषयावर अतिथी व्याख्यानाचे आयोजन करण्यात आले होते. या कार्यक्रमाला आंतरराष्ट्रिय ख्याती असलेली ऑस्ट्रेलिया येथील सुप्रसिद्ध ” भिक्षुणी बोधिचीता फाउंडेशन ” च्या संचालिका “आर्या ऐशे” ह्या मुख्य अतिथी व मार्गदर्शक म्हणुन उपस्थित होत्या.
कार्यक्रमाच्या अध्यक्षस्थानी महाविद्यालयाचे प्राचार्य डॉ . यशवंत पाटील होते यांनी व डॉ प्रज्ञा बागडे यांनीही यावेळी विद्यार्थ्यांना मार्गदर्शन केले. 
अतिथींचा परिचय डॉ. ज्वाला डोहाणे यांनी, कार्यक्रमाचे प्रास्ताविक विभाग प्रमुख डॉ प्रणोती कांबळे यांनी, सूत्रसंचालन भंते हर्षा आनंद यांनी तर कार्यक्रमाचा समारोप एम ए ची विद्यार्थीनी नुतन इंगोले यांनी केला.
कार्यक्रमाच्या यशस्वीतेसाठी डॉ. चंद्रशेखर पाटील, डॉ. महेन्द्र गायकवाड, डॉ कमलाकर तागडे, डॉ नागसेन लांडगे, डॉ रजनी सोनटक्के, डॉ अर्चना हाडके यांनी विशेष परिश्रम घेतले.
