संदीप कांबळे, विशेष प्रतिनिधी
कन्हान :- शहर विकास मंचद्वारे गांधी चौक कन्हान येथे जागतिक आदिवासी दिवस आणि क्रांती दिवस महापुरुषांना अभिवादन करुन साजरा करण्यात आला.
बुधवार (दि.९) ऑगस्ट २०२३ ला जागतिक आदिवासी दिवस आणि क्रांती दिवसी निमित्य कन्हान शहर विकास मंचद्वारे गांधी चौक कन्हान येथे प्रामुख्याने उपस्थित मंच मार्गदर्शक प्रभाकर रुंघे यांच्या हस्ते राष्ट्रपिता महात्मा गांधी व भगवान बिरसा मुंडा यांच्या प्रतिमेला पुष्पहार अर्पण करुन कार्यक्रमाची सुरूवात करण्यात आली.यावेळी सतिश ऊके, आकाश पंडितकर यांनी उपस्थितांना मार्गदर्शन केले.
कार्यक्रमास उपस्थित सर्व मंच पदाधिका-यानी व सदस्यांनी राष्ट्रपिता महात्मा गांधी व भगवान बिरसा मुंडा यांच्या प्रतिमेला पुष्प अर्पित करुन विनम्र अभिवादन करुन जागतिक आदिवासी दिवस व क्रांती दिवस साजरा करण्यात आला. याप्रसंगी कन्हान शहर विकास मंच संस्थापक अध्यक्ष ऋृषभ बावनकर, मंच मार्गदर्शक प्रभाकर रुंघे, अशोक पाटील, हरीओम प्रकाश नारायण, भुषण खंते, अरविंद कटाले, आकाश पंडितकर, सतिश ऊके, महेश शेंडे, विक्की कुमार सह मंच पदाधिकारी व सदस्य उपस्थित होते.
