संदीप कांबळे, विशेष प्रतिनिधी
कामठी :- स्थानिक नविन कामठी पोलीस स्टेशन हद्दीत येणाऱ्या बुद्धनगर परिसरातील गणेश दुपारे यांच्या घरात अज्ञात चोरट्याने अवैधरित्या प्रवेश करून घरात ठेवलेले 7 हजार रुपये किमतीचा मोबाईल चोरुन नेल्याची घटना गतरात्री 12 दरम्यान घडली असून यासंदर्भात पोलीस स्टेशन ला दिलेल्या तक्रारीवरून अज्ञात चोरट्या विरुद्ध गुन्हा दाखल करण्यात आला.
तर दुसऱ्या घटनेत तेलीपुरा येरखेडा येथील सुरेंद्र थुल यांच्या घरातून अज्ञात चोरट्याने 5 हजार रुपये किमतीचा मोबाईल चोरुन नेल्याची घटना काल दुपारी 3 दरम्यान घडली असून यासंदर्भात फिर्यादी सुरेंद्र थुल ने पोलीस स्टेशन ला दिलेल्या तक्रारीवरून अज्ञात चोरट्या विरुद्ध भादवी कलम 380 अनव्ये गुन्हा दाखल करण्यात आला असून पुढील तपास सुरू आहे.
