संदीप कांबळे, विशेष प्रतिनिधी
कामठी :- कामठी तालुक्यातील वरंभा-झरप गावात वाघाची दहशत पसरली असून 13 ऑगस्ट च्या मध्यरात्री एका वाघाने वरंभा गावातील श्रावण मोहूर्ले नामक शेतकऱ्यांचे बांधून असलेल्या तीन गाईवर हल्ला चढवून जीवानिशी भक्षण केल्याची घटना 14 ऑगस्ट ला सकाळी निदर्शनास आल्याच्या घटनेला दहा दिवस लोटत नाही तोच आज गादा गावात वाघाच्या पायाचे पंजाचे ठसे उमटले दिसल्याने गादा गावात हळहळ व्यक्त करीत गावात भीतीमय वातावरण पसरले आहे.तेव्हा गादा गावात वरंभा गावात झालेल्या जनावरांच्या भक्षणेच्या घटनेची पुनरावृत्ती न व्हावी यासाठी सर्वांना सावधगिरीचा ईशारा देण्यात आला आहे.
