नागपूर :- नागपूर शहर कॉंग्रेस कमेटीच्या निर्देशानुसार आगामी मनपा, लोकसभा व विधानसभा या निवडणुकीच्या पूर्वतयारीकरिता विधान सभानिहाय बीएलएच्या नियुक्त्या बुध कार्यकारीणी तयार करण्याचे काम पूर्व नागपूर विधान सभा क्षेत्रात आमदार ॲड. अभिजित वंजारी यांच्या नेतृत्वात रविवार 9 जुलैला आढावा बैठकीच्या माध्यमातून सुरू करण्यात आले. आमदार ॲड. अभिजित वंजारीसह या बैठकीत शहर कॉंग्रेस कमेटीचे महामंत्री व समन्वयक दिनेश बानाबाकोडे, पूर्व नागपूर विधान सभा क्षेत्राचे पर्यवेक्षक राजेश देंगे, प्रभाग अध्यक्षाच्या निवडणुकीकरिता नेमण्यात आलेले निरिक्षक मुजीब वारसी, माजी नगरसेवक नितिन साठवणे, ब्लॉक क्र. 3 चे अध्यक्ष राजेश पौनीकर, ब्लॉक क्र. 1 चे अध्यक्ष ज्ञानेश्वर ठाकरे, माजी नगरसेविका नयना आहे प्रामुख्याने उपस्थित होते.
पूर्व नागपूर विधान सभा क्षेत्रात 340 बुथ असून निवडणूक आयोगाच्या निर्देशाप्रमाणे प्रत्येक बुथवर प्रत्येक पक्षाचा अधिकृत बीएलए नेमला जातो. त्यानुसार ऑक्टोबर 2023 पासून मतदार यादीचे पूर्ण निरिक्षणाचे काम सुरू होणार असून पूर्व नागपूर विधान सभा क्षेत्रात निवडणुकीच्या पूर्वतयारीसाठी सर्व कार्यकर्ते सज्ज झाले आहे. याशिवाय 340 बुथवर महत्वाच्या कार्यकर्त्याला बुध अध्यक्ष नेमूण प्रत्येक बुथवर किमान 10 व्यक्तींना त्या बुथच्या कार्यकारीणीमध्ये समावून घेण्यासाठी आमदार अॅड. अभिजित वंजारी यांनी सर्व कार्यकत्यांना आदेश दिले. यासोबत संघटनेच्या माध्यमातून सर्व प्रभाग अध्यक्षांची सर्वसंमतीने याच बैठकीमध्ये निवड करण्यात आली. त्यामध्ये ब्लॉक क्र. 3 मध्ये प्रभाग क्र. 27 मध्ये नितीन झोड, प्रभाग क्र. 26 मध्ये पंकज चाफले, प्रभाग क्र. 23 यामध्ये कैलास मेश्राम तसेच ब्लॉक क्र. 1 मध्ये प्रभाग क्र. 21 मध्ये राजेश खानोरकर, प्रभाग क्र. 5 मध्ये योगेश सलामे यांची प्रभाग अध्यक्ष म्हणून नियुक्ती करण्यात आली. त्यानुसार सर्व ब्लॉक अध्यक्ष व प्रभाग अध्यक्षांना तात्काळ वार्ड अध्यक्ष व प्रभागाची कार्यकारीणी तयार करण्याचे आदेश देण्यात आले.
![](https://newstoday24x7.com/wp-content/uploads/2024/06/BJP-Half-page_page-0001.jpg)
![](https://newstoday24x7.com/wp-content/uploads/2024/06/WhatsApp-Image-2024-06-06-at-16.46.34_c08487b5.jpg)