नागपूर :- कळमणा पोलीसांचे तपास पथकाचे अधिकारी व अंमलदार यांनी मिळालेल्या खात्रीशीर माहीतीवरून, पाळत ठेवुन पोलीस ठाणे हद्दीत चिखली चौक ते कळमणा स्टेशन कडे जाणारा मालधक्का कच्चा रोड येथून अॅक्टीव्हा गाडी क. एम.एच ४९ ए. वाय ५२४६ ने काळया रंगाचे बॅगसह जाणारे आरोपी १) मोहम्मद सरफराज वल्द मोहम्मद अब्दुल सत्तार, वय ३८ वर्षे, टिपू सुलतान चौक,यशोधरानगर, नागपूर २) डोलामणी बुडू मेहर वय २४ वर्ष रा. श्रीराम नगर, जि. बालांगीर, ओरीसा है संशयीतरित्या दिसुन आल्याने त्यांना ताब्यात घेवुन त्यांचे जवळील बँगची झडती घेतली असता त्यामध्ये ४ किलो ३०० ग्रॅम गांजा हिरव्या व पिवसळ रंगाचा किंमती अंदाजे ८६,०००/- रु. चा दिसुन आला. आरोपींचे ताब्यातुन गांजा, दोन मोबाईल फोन व अॅक्टीव्हा गाडी असा एकुण किंमती अंदाजे १,५६,०००/- रू. चा मुद्देमाल जप्त करण्यात आला. आरोपींचे हे कृत्य कलम ८ (क), २०(ब), २९ एन.डी.पी.एस. कायद्यानुसार होत असल्याने, आरोपीविरूध्द पोलीस ठाणे कळमणा येथे गुन्हा नोंदविण्यात आला आहे. आरोपींना अटक करण्यात आली आहे.
वरील निकेतन कदम, पोलीस उप आयुक्त (परि क. ५), विशाल क्षिरसागर, सहा. पोलीस आयुक्त (कामठी विभाग) यांचे मार्गदर्शनाखाली, वपोनि. प्रशांत पांडे, सपोनि, शशीकांत मुसळे, सफी. वाळा साकोरे, पोहवा. विशाल अंकलवार, विशाल भैसारे, चंद्रशेखर यादव, नापोअं. संदेश शुक्ला, पोअं. ललीत शेंडे, वसीम देसाई व युवराज कावडे यांनी केली.
