संदीप कांबळे,विशेष प्रतिनिधी
कामठी ता प्र 22:-कामठी तालुक्यातील तरोडी बू येथे मंडळ कृषी अधिकारी सुहास अंबुलकर यांचे मार्गदर्शनात, खरिप पूर्व हंगाम नियोजन सभा घेण्यात आली. सदर सभेत शेतकऱ्यांना पुर्व मशागत, बियाणे निवड, लागवड पद्धत, बीजप्रक्रिया, उगवणक्षमता तपासणी, धान बीजप्रक्रिया, बांबू लागवड , MREGS फळबाग लागवड, भाऊसाहेब फुंडकर फळबाग लागवड, तुती लागवड (रेशीम उद्योग),ई विषयावर माहिती देऊन उगवण क्षमता तपासणी प्रात्यक्षिक घेण्यांत आले. यावेळी कृषी सहायक कु.अश्विनी साखरे, . उमेश धावडे ग्रामसेवक, . महेश फुलवानी तलाठी, आरती चिकटे (सरपंच), धर्मेंद्र कडू ग्रामपंचायत सदस्य, तसेच शेतकरी सर्वश्री प्रमोद चिकटे, प्रवीण चिकटे, राजश्री महाजन, व गावातील इतर शेतकरी उपस्थित होते.