नागपूर :- स्वच्छ भारत अभियान अंतर्गत नागपूर महानगरपालिकेच्या उपद्रव शोध पथकाने बुधवारी (ता.21) 2 प्रतिष्ठानांवर कारवाई करून 25 हजार रुपयांचा दंड वसूल केला. मनपा आयुक्त तथा प्रशासक राधाकृष्णन बी. यांच्या मार्गदर्शनात हनुमाननगर झोन अंतर्गत प्रभाग न.31, एस.डी.हॉस्पीटल जवळ, गणेश नगर येथील अरमान बिल्डर्स यांच्याविरुध्द रस्त्यालगत बांधकाम साहित्य पसरविल्याबद्दल कारवाई करून 10 हजार रुपयांचा दंड वसूल करण्यात आला. तसेच गांधीबाग झोन अंतर्गत सुतिका गृह, कोटी रोड, महाल येथील मातृ सेवा संघ यांच्याविरुध्द सामान्य कच-यासोबत बायो-मेडिकल वेस्ट कचरा रस्त्यालगत फेकल्याबद्दल कारवाई करून 15 हजार रुपयांचा दंड वसूल करण्यात आला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
