नागपूर :- स्वच्छ भारत अभियान अंतर्गत नागपूर महानगरपालिकेच्या उपद्रव शोध पथकाने सोमवार (ता.10) 10 प्रतिष्ठानांवर कारवाई करून 65 हजार रुपयांचा दंड वसूल केला. धरमपेठ झोनच्या उपद्रव शोध पथकाद्वारे मे. ज्योती हाईटस़, भरत नगर, नागपूर यांच्यावर रस्त्यालगत बांधकाम साहित्य पसरविल्याबद्दल कारवाई करून 10 हजार रुपयांचा दंड वसूल करण्यात आला. नेहरु नगर झोनच्या उपद्रव शोध पथकाद्वारे मे. कार वॉश सेंटर, वाठोडा, नागपूर, यांच्यावर कचरा टाकुन चेंबरमध्ये अडथळा आणणे आणि चेंबरला वॉशिंग पॉइंट बेकायदेशीरपणे जोडल्याबद्दल कारवाई करून 5 हजार रुपयांचा दंड वसूल करण्यात आला.
गांधीबाग झोनच्या उपद्रव शोध पथकाद्वारे मे. ओम साई स्विटस, टिमकी, मोमिनपूरा, नागपूर व मे. गोपाल किराणा स्टोर्स, गोलीबार चौक, नागपूर यांच्यावर प्लास्टिक पिशवीच्या वापर केल्याबद्दल कारवाई करून प्रत्योकी ५ हजार रुपयांचा दंड वसूल केला.सतरंजीपुरा झोनच्या उपद्रव शोध पथकाद्वारे मे. मिश्रा पत्तल शॉप, चकना चौक, मेहंदीबाग, नागपूर व मे. बारापात्रे स्टिटस, बंगाजी पंजा, इतवारी, नागपूर यांच्यावर प्लास्टिक पिशवीच्या वापर केल्याबद्दल कारवाई करून प्रत्योकी ५ हजार रुपयांचा दंड वसूल केला.लकडगंज झोनच्या उपद्रव शोध पथकाद्वारे मे. कॅलिबर गोल, सुर्या नगर यांच्यावर इलेक्ट्रीक पोलवर अनधिकृतपणे बॅनर व होर्डींग लावल्याबाबत प्रत्येकी 5 हजार दंड वसूल करण्यात आला.
आसीनगर झोनच्या उपद्रव शोध पथकाद्वारे मे. माईंडमी, जॉली फोनिक्स ॲन्ड इंग्लिश क्लासेस, कमाल चौक, नागपूर यांच्यावर इलेक्ट्रीक पोलवर अनधिकृतपणे बॅनर व होर्डींग लावल्याबाबत प्रत्येकी 5 हजार दंड वसूल करण्यात आला. मंगळवारी झोनच्या उपद्रव शोध पथकाद्वारे मे. सतनाम इन्क्लेव, व मे. साई सबुरी अपार्टमेंट, सीएमपीडीआय रोड, नागपूर यांच्यावर रस्त्यालगत बांधकाम साहित्य पसरविल्याबद्दल कारवाई करून प्रत्येकी 10 हजार रुपयांचा दंड वसूल करण्यात आला.ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
