संदीप कांबळे, विशेष प्रतिनिधी
कामठी दि. 16 :- महाराष्ट्र शासन पाणी पुरवठा व स्वच्छता विभाग मार्फत संपूर्ण महाराष्ट्रात स्वच्छता ही सेवा हा उपक्रम दि.15 सप्टेंबर ते 2ऑक्टोबर 2022 पर्यंत राबविण्यात येत आहे. त्याचाच एक भाग म्हणून आज 16 सप्टेंबरला पंचायत समिती कामठी येथे स्वच्छतेचे दूत संत गाडगे बाबा व राष्ट्रसंत तुकडोजी महाराज यांच्या प्रतिमेस वंदन करून स्वछता ही सेवा उपक्रम अंतर्गत श्रमदान करण्यात आले.
या उपक्रमात कामठी पंचायत समितीचे सभापती उमेश रडके, उपसभापती आशिष मल्लेवार,जिल्हा परिषद सदस्य प्रा अवंतिका लेकुरवाळे, गट विकास अधिकारी अंशुजा गराटे, पंचायत समिती सदस्य दिलीप वंजारी, दिशा चनकापुरे,सहा. गट विकास अधिकारी प्रदीप गायगोले यासह पंचायत समितीचे सर्व अधिकारी, कर्मचारी यांनी सक्रिय सहभाग नोंदविला.
