संदीप कांबळे, विशेष प्रतिनिधी
कामठी ता प्र 26:-होळी व धुळीवंदन सणाच्या औचित्यावर कामठी तालुक्यात अनुचित घटनांवर आळा घालण्यासाठी पोलिसांनी ठिकठिकाणी बंदोबस्त तैनात राहून दारू पिऊन वाहन चालविणाऱ्यावर वक्रदृष्टी ठेवण्यात आली.
..होळी व विशेषता धुळीवंदन च्या दिवशी कायदा व सुव्यवस्था अबाधित ठेवण्यासाठी पोलिसांनी रुटमार्च सुदधा काढला होता.मद्यप्राशन करून दुचाकी व चारचाकी वाहने भरधाव वेगाने बेदरकारपणे चालवितात तसेच रोडने रॅश ड्रायव्हिंग,स्टंटबाजी सारख्या कृत्य करणाऱ्यांवर करडी नजर ठेवण्यासाठी ठिकठिकाणी नाकेबंदी, पेट्रोलिंग व पोलीस बंदोबस्त लावण्यात आला होता.दरम्यान होळी पर्व मोठ्या उत्साहात इको फ्रेंडली वातावरणात पार पडला.
यासाठी डीसीपी निकेतन कदम, यांच्या मार्गदर्शनाखाली नवीन कामठी पोलीस स्टेशन चे वरिष्ठ पोलीस निरीक्षक प्रमोद पोरे, , वाहतूक पोलीस निरीक्षक ,जुनी कामठी पोलीस स्टेशन चे वरिष्ठ पोलीस निरीक्षक प्रशांत जुमडे यासह कर्तव्यावर असलेल्या समस्त पोलीस अधिकारी कर्मचाऱ्यांनी मोलाची कर्तव्यदक्ष भूमिका साकारली.
