नागपूर :-मध्य रेल्वेचे महाव्यवस्थापक नरेश लालवानी एक दिवसीय नागपूर दौर्‍यावर आले असता पुनर्विकास प्रकल्पाच्या स्थितीचा आढावा घेतला.
नागपूरला पोहोचल्यावर त्यांनी त्यांनी बडनेरा – नागपूर विभागाचे विंडो ट्रेलिंग निरीक्षण केले. अजनी रेल्वे स्थानकाची पाहणी करून पुनर्विकास प्रकल्पाच्या स्थितीचा आढावा घेतला. तसेच अजनी येथील बीओटी तत्वावरील लॉन्ड्रीची पाहणी केली. अजनी क्रिकेट मैदानावरील वृक्षारोपणातही त्यांनी सहभागी घेतला.
नागपूर विभागीय रेल्वे व्यवस्थापक कार्यालयात महाव्यवस्थापकांना वर्धा स्थानक पुनर्विकास आणि अमृत भारत स्थानकाबाबतचे सादरीकरण मुख्य प्रकल्प व्यवस्थापकांनी केले.
रेल्वे संघटनांच्या प्रतिनिधींचीही भेट घेतली. नागपूर रेल्वे स्थानक आणि लॉबीची पाहणी केली. याप्रसंगी विभागीय रेल्वे व्यवस्थापक सौरव प्रसाद, मध्य रेल्वेचे प्रधान विभागप्रमुख आणि नागपूर विभागातील शाखा अधिकारी उपस्थित होते.
