संदीप कांबळे, विशेष प्रतिनिधी
कामठी :- शिवसेना उद्धव बाळासाहेब ठाकरे जागरण अभियान अंतर्गत कामठी विधानसभा मतदार संघात सुरू असलेल्या ‘होऊ द्या चर्चा’नागरिक संपर्क सभेचे आयोजन रविवार 8 ऑक्टोबर ला रात्री 8 वाजता बुद्ध नगर कामठी येथे करण्यात आले होते त्यानंतर रामगढ तसेच 9 ऑक्टोबर ला सैलाब नगर व छत्रपती नगर येथे करण्यात आले होते.
सध्या अस्तित्वात असलेल्या केंद्र सरकार आणि राज्य सरकारच्या फसव्या घोषणा आणि योजनांचे वाभाडे काढताना पूर्व विदर्भ संघटक प्रमुख सुरेश साखरे यांनी राज्य सरकार व केंद्र सरकार वर टीका करत हे सरकार फक्त अदानी आणि अंबानीचे आहे, इथे शेतकरी कर्ज माफी देताना पै चा हिशोब ठेवला जातो ,शासनाने शेतकरी वर्गासाठी सध्याच्या संकटात कोणतीही मदत न करता फक्त फसव्या घोषणांचे पाऊस पाडण्याचे काम केले या शब्दात टीकास्त्र सोडले.
याप्रसांगी राधेश्याम हटवार, मुकेश यादव, प्रशांत गजभिए, जीवन रामटेके, रमेश वैद्य, शंकर तालमले, नरेश यादव ,सुरज दास ,प्रशांत खोब्रागडे, आकाश टेंभुरने , जितु गुज़र, संदेश सरोजकर विनोद मोरे, वीरेंद्र खोब्रागडे, वसीम खान, शिव यादव, जितेंद्र गुजर ,भारत नानट ,रितेश केझरकर आदी उपस्थित होते.
