Ø समितीचे अध्यक्ष न्या.संदीप शिंदे नागपुरात घेणार आढावा
नागपूर :- राज्यातील मराठा-कुणबी, कुणबी-मराठा जातीचे जात प्रमाणपत्र पात्र व्यक्तींना देण्याबाबतची कार्यपध्दती विहीत करण्यासाठी गठीत करण्यात आलेल्या समितीचे अध्यक्ष निवृत्त न्या. संदीप शिंदे व समितीचे इतर सदस्य दिनांक 23 नोव्हेंबर रोजी नागपूर जिल्ह्याच्या दौऱ्यावर येत असून ते येथे विभागातील सहा जिल्ह्यात झालेल्या कामकाजाचा आढावा घेणार आहेत.
विभागातील नागरिकांनी त्यांच्याकडील उपलब्ध पुरावे, वंशावळी, शैक्षणिक व महसुली पुरावे, संस्थानिकांनी दिलेल्या सनदा, राष्ट्रीय दस्तऐवज आदी जूनी अभिलेखे समितीस सादर करण्यासाठी संबंधित जिल्हाधिकारी कार्यालयात स्थापित विशेष कक्षामध्ये 21 ते 24 नोव्हेंबर पर्यंत स्वत:हून उपलब्ध करुन देण्याचे आवाहन विभागीय आयुक्त् विजयलक्ष्मी बिदरी यांनी केले आहे.
