संदीप कांबळे, विशेष प्रतिनिधी
कामठी :- भारत निवडणूक आयोगाने जाहीर केलेल्या निवडणूक कार्यक्रमानुसार येत्या 20 नोव्हेंबर ला कामठी मौदा विधानसभा निवडणूक होऊ घातली आहे त्यानुसार 22 ऑक्टोबर ते 29 ऑक्टोबर पर्यंत नामांकन अर्ज दाखल करता येणार आहे त्या अनुशंगाने कामठी मौदा विधानसभा निवडणुकीत निवडणूक लढविणाऱ्या इच्छुकांनी तसेच पक्षाकडून जाहीर झालेल्या उमेदवारांनी नामांकन अर्ज दाखल करण्याची प्रक्रिया सुरू केली आहे असे असले तरी आजच्या चौथ्या दिवशी नागपूर ग्रामीण येथील खरबी बहादुरा रहिवासी प्रशांत अनिल नखाते नामक एकमेव उमेदवाराने जय विदर्भ पार्टी कडून निवडणूक निर्णय अधिकारी सचिन गोसावी यांच्याकडे नामनिर्देशन अर्ज सादर केले असून आजपावेतो उमेदवारी अर्ज सादर करण्याची संख्या फक्त एक आहे .तर निवडणूक लढविणाऱ्या इच्छुकांनी मागील चार दिवसात आजपावेतो 66 व्यक्तींनी 114 अर्जांची उचल केली आहे.
