नागपूर :- महाराष्ट्र राज्य माध्यमिक व उच्च माध्यमिक शिक्षण मंडळामार्फत इयत्ता 10 वी व 12 वी च्या माहे फेब्रुवारी-मार्च 2024 च्या परीक्षेस फॉर्म 17 द्वारे खाजगी विद्यार्थी म्हणून प्रविष्ठ होण्याची सुविधा उपलब्ध्‍ा करण्यात आली आहे. परिक्षेसाठी नियमित नोंदणीची मुदत 30 सप्टेंबरपर्यंत देण्यात आली होती. मात्र आता ऑनलाईन नाव नोंदणी विलंब शुल्कासह 15 ऑक्टोबर तर अतिविलंब शुल्कासह 31 ऑक्टोबरपर्यत करता येणार आहे.
विद्यार्थ्यांनी ऑनलाईन सूचना व अधिक माहितीसाठी इयता 10 वी साठी http://form17.mh-ssc.ac.in तर 12 वी साठी http://form17.mh-hsc.ac.in या संकेतस्थळाचा वापर करावा, असे नागपूर विभागीय मंडळाचे सचिव चिंतामण वंजारी यांनी कळविले आहे.
