नागपूर :- नागपूर जिल्हा महानगरपालिका कर्मचारी संघटनेच्या अध्यक्षपदी ॲड. राहुल झांबरे यांची निवड करण्यात आली. त्यांच्या निवडीबद्दल संघटनेचे माजी अध्यक्ष ॲड. धर्मपाल मेश्राम यांनी पुष्पगुच्छ देऊन ॲड. झांबरे यांचे अभिनंदन केले व अध्यक्षपदाची सुत्रे सोपविली.
रविवारी (ता.२२) नागपूर जिल्हा महानगरपालिका कर्मचारी संघटनेच्या सभासदांची महत्वाची बैठक पार पडली. या बैठकीत ॲड. झांबरे यांच्या निवडीचा निर्णय घेण्यात आला.
ॲड. धर्मपाल मेश्राम यांनी वैयक्तिक कारणामुळे संघटनेच्या अध्यक्षपदाचा राजीनामा दिला. ॲड. मेश्राम यांच्या राजीनाम्यानंतर रिक्त झालेल्या पदावर ॲड. राहुल झांबरे यांची सर्वानुमते निवड करण्यात आली. याशिवाय संघटनेचे न्यायीक सल्लागार व मार्गदर्शक म्हणून भोला खोब्रागडे यांची सर्वानुमते निवड करण्यात आली. संघटनेचे कार्याध्यक्ष हे पद निरस्त करण्याचा ठराव देखील बैठकीत सर्वसंमतीने मंजूर करण्यात आला.
बैठकीला नागपूर जिल्हा महानगरपालिका कर्मचारी संघटनेचे उपाध्यक्ष आशिष पाटील, महासचिव लोकेश मेश्राम, सहसचिव दिप्तीजय बोरकर, कोषाध्यक्ष कैलाश वनघुदे, कार्यकारीणी सदस्य मंगेश गोस्वामी, राहुल पांडव, खीलावन लांजेवार, शंकर मेश्राम आदी उपस्थित होते.