नागपूर :- नागपूर महानगरपालिकेच्या परिवहन विभागातर्फे आमगांव देवळी हिंगणा कन्होलीबारा रोड स्थित संजीवन सोशिओ फाउंडेशनच्या संजीवन वृद्धाश्रमासाठी नागपूरच्या सीताबर्डी येथील मोरभवन बस स्थानकावरून बस सेवा सुरू करण्यात आली आहे.
मनपा नागरिकांना सोयी सुविधा पुरविण्यासाठी सतत कार्य करत आहे. त्यानुसार नागपूर महानगरपालिकेच्या परिवहन विभागातर्फे आमगाव देवळी येथील संजीवन सोशिओ फाउंडेशनच्या संजीवन वृद्धाश्रम साठी नागपूरच्या मोरभवन वरून बस सेवा सुरू करण्यात आली आहे. परिवहन विभागातर्फे दैनंदिन बस सेवा सुरू करण्यात आली असून, ही बस सकाळी 8.30 वाजता आणि सांयकाळी 5.30 वाजता पासून मोरभवन बस स्थानक येथून उपलब्ध असणार आहे. तरी नागरिकांनी लाभ घ्यावा असे आवाहन मनपा परिवहन विभागातर्फे करण्यात आले आहे.
