नागपूर,दि.17 : महाराष्ट्र उद्योजकता विकास केंद्राच्या विद्यमाने शहरात लघु उद्योग उभारणी, शासकीय योजना व अनुदान यावर आधारित प्रशिक्षणाचे आयोजन 23 ते 27 डिसेंबर या कालावधीत करण्यात आले आहे. प्रशिक्षणार्थींनी लघु उद्योगाचे प्रशिक्षण घेऊन स्वयंरोजगारासाठी लागणाऱ्या उद्योजकीय बाबींच्या माहितीसह स्वत:चा स्वयंरोजगार सुरु करावा, हा या प्रशिक्षणाचा उद्देश आहे.
या प्रशिक्षणात लघु उद्योग कसा उभारावा, उद्योगक्षेत्रातील विविध संधी, लघु उद्योग उभारणीतील टप्पे, बाजारपेठ पाहणी व उत्पादनाची निवड, प्रकल्प अहवाल तयार करणे, महाराष्ट्र उद्योजकता विकास केंद्राकडून केली जाणारी मदत, शासकीय योजना व अनुदान आदी विषयांवर सविस्तर माहिती देण्यात येणार आहे.
इच्छुक उमेदवारांनी अधिक माहिती व प्रवेशासाठी एमसीईडी, उद्योग भवन, पहिला माळा, सिव्हिल लाईन, नागपूर येथे कार्यक्रम सहायक निलेश बोळे-9420014879 किंवा प्रकल्प अधिकारी श्रीकांत कुळकर्णी-9403078760 यांचेशी 20 डिसेंबरपूर्वी संपर्क साधावा, असे आवाहन आयोजकांतर्फे करण्यात आले आहे.
