कामठी :- कामठी पंचायत समितीच्या नवनिर्वाचित सभापती दिशा चनकापुरे यांचा कामठी पंचायत समीती कार्यालय येथे विविध सामाजिक संघटन व राजकीय पक्ष यांनी संयुक्तरीत्या सम्मान करण्यात आला. याप्रसंगी पंचायत समीती उपसभापती दिलीप वंजारी यांच्या प्रमुख उपस्थितीत हा सम्मान कार्यक्रम घेण्यात आला. या शिष्टमंडळामध्ये युवा चेतना मंच चे प्रा.पराग सपाटे , शिव उत्सव प्रमुख मयूर गुरव ,अक्षय खोपे, कामठी निधी अर्बन बँकेचे संचालक नितीन ठाकरे, एम.आय.एम नागपूर जिल्हा ग्रामीण चे अध्यक्ष शकीब रहमान व सहकारी, रामटेक विधानसभा युवक काँग्रेसचे अध्यक्ष निखिल पाटील, दिंव्याग फाऊंडेशनचे सचिव बाँबी महेंद्र , जीवनतंरग बहुउदेशीय संस्थेचे सचिव घनश्याम चकोले, प्रामुख्याने उपस्थित होते. याप्रसंगी विविध सामाजिक ,शैक्षणिक, आरोग्य विषयक बाबींवर चर्चा करण्यात आली. व यासंदर्भात लवकरच सकारात्मक निर्णय घेण्यात येईल असे आश्वासन ही या प्रसंगी सभापती दिशा चनकापुरे यांनी दिले.
