नागपूर : राज्यपाल भगत सिंह कोश्यारी नागपूर, अकोला आणि बुलडाणा जिल्हयांचा दोन दिवसीय दौरा आटपून आज सकाळी सात वाजता मुंबईकडे रवाना झालेत.
विमानतळावर विभागीय आयुक्त माधवी खोडे -चवरे, पोलीस आयुक्त अमीतेश कुमार, जिल्हाधिकारी आर. विमला, महानगरपालिका आयुक्त राधाकृष्णन बी, नागपूर सुधार प्रन्यासचे सभापती मनोज सुर्यवंशी, विशेष पोलीस महानिरिक्षक डॉ. छेरिंग दोरजे, अतिरिक्त पोलीस आयुक्त अश्वती दोरजे,पोलीस अधीक्षक विजय मगर यांनी त्यांना निरोप दिला.
अकोला येथील डॉ. पंजाबराव देशमुख कृषी विद्यापीठाच्या दीक्षांत सोहळ्याला उपस्थित राहण्यासाठी ते आले होते. या भेटीत त्यांनी शेगाव येथील गजानन महाराज मंदिरात दर्शन घेतले. गुरुवारी रात्री राजभवन नागपूर येथे मुक्कामी होते. आज सकाळी मुंबईला ते रवाना झाले.
