नागपूर :- सुख शांती समाधान संस्थेच्या वतीने १७ जुलै ते ३१ जुलै पर्यंत रोज सकाळी ५:३० ते ६:३० या वेळेत योगा शिबिराचे आयोजन जुना नांदा तथागत बुद्ध विहार लोन खैरी रोड कोराडी येथे करण्यात आले आहे. या शिबिरात आसन, प्राणायाम, ओंकार तसेच वेग वेगळ्या आजरानुसार ही आसन प्रात्यक्षिकासह शिकविल्या जातात. या शिवाय व्यक्तिमत्त्व विकास कसा साधायचा सुप्त गुणांना जागृत करून त्याचे प्रगटीकरण कसे करायचे यावर सुद्धा मार्गदर्शन केल्या जाते. प्रत्येक शिबिरातील व्यक्ती ही समाधानी होऊन संस्थेशी जुळून राहातो. संस्थेचे संस्थापक अध्यक्ष योगगुरू सचिन माथुरकर यांच्या मार्गदर्शनाखाली मधुर वाणीने हे शिबिर संपन्न होत आहे. तरी कृपया सर्व योगा प्रेमींनी या संधीचा लाभ घ्यावा आणि आपले जीवन निरोगी, निरामय, आनंदमय, सुखमय करावे. हि संस्था मागील १९ वर्षा पासून कार्य करीत आहेत. निःशुल्क, निस्वार्थी, सेवाव्रती होऊन करीत आहे. असे संस्थेच्या सचिव शिला केळापूरे यांनी प्रसिद्धी माध्यमाद्वारे कळविले आहे.
