नागपुर : – प्रभाग क्रमांक १३ मधील कमलानगर, काचीमेट, संजयनगर, पांढराबोडी, अंबाझरी ई. पश्चिम नागपुरातील वस्त्यांमधे ऊन्हाळ्याच्या सुरवातीलाच कमी पाण्याचे प्रेशर असल्याने नागरीक फार परेशान आहेत. नागपुरच्या कडाक्याच्या ऊन्हाळ्यात सगळ्यांनाच पाणी लागते व प्रेशर नसल्यास कामकरी नागरिकांचा महत्वाचा कामाचा वेळ पाणी भरण्यातच जातो व त्यामुळे येथील नागरिक तीव्र आंदोलन करण्याच्या तयारीत आहेत.
या प्रभागाच्या कर्तव्यात दक्ष माजी नगरसेविका डाॅ.परीणीता फुके यांनी मनपा आयुक्त बी.राधाकृष्णन यांची या आंदोलकांसोबत भेट घेतली व या वस्त्यांमधील पाणी वितरण ताबडतोब व्यवस्थित करावे अन्यथा तुम्हाला नागरिकांच्या रोषाचा सामना करावा लागेल याची जाणीव करुन दिली.आयुक्त राधाकृष्णन यांनी यावर तोडगा काढण्याचे आश्वासन दिले.
