वंचितांच्या विकासाचे डॉ.आंबेडकरांचे स्वप्न मोदी सरकारने पूर्ण केले – अकोला येथील सभेत उपमुख्यमंत्री देवेंद्र फडणवीस यांचे प्रतिपादन

– महायुतीचे उमेदवार अनुप धोत्रे यांचा उमेदवारी अर्ज दाखल

अकोला :- देशातील वंचित, गरिब, आदिवासी, शेतकरी यांचा विकास करण्याचे डॉ.बाबासाहेब आंबेडकर यांचे स्वप्न पंतप्रधान नरेंद्र मोदी यांनी साकार केले. मोदी सरकार यापुढच्या काळातही वंचितांना न्याय देईल,असे प्रतिपादन उपमुख्यमंत्री देवेंद्र फडणवीस यांनी बुधवारी अकोला येथे केले. अकोला लोकसभा मतदारसंघातील भाजपा- महायुतीचे उमेदवार अनुप धोत्रे यांचा उमेदवारी अर्ज दाखल करताना झालेल्या ‘विजय संकल्प सभेत’ श्री. फडणवीस बोलत होते. यावेळी भाजपा प्रदेशाध्यक्ष चंद्रशेखर बावनकुळे, अकोल्याचे पालकमंत्री राधाकृष्ण विखे-पाटील,भाजपा प्रदेश सरचिटणीस आ. रणधीर सावरकर, आ. हरीश पिंपळे, आ.श्वेता महाले आदी उपस्थित होते. वंचितांच्या कल्याणासाठी यापुढेही सरकारी योजनांचा पैसा प्राधान्याने खर्च केला जाईल. यावेळची निवडणूक ही जनतेची निवडणूक आहे. जनतेचा पंतप्रधान पुन्हा सत्तेवर आणण्यासाठी अनुप धोत्रे यांना विजयी करा,असे आवाहनही फडणवीस यांनी केले.

पंतप्रधान नरेंद्र मोदी यांच्या हातात देशाचे संविधान सुरक्षित असल्याचे नमूद करत फडणवीस म्हणाले की, अस्तित्वाच्या भीतीमुळे संविधान बदलण्याविषयीचा अपप्रचार विरोधकांकडून केला जात आहे. पंतप्रधान मोदी यांना धर्मग्रंथापेक्षाही संविधान महत्त्वाचे आहे. अटलबिहारी वाजपेयी, जॉर्ज फर्नांडिस सारख्या २ लाखांहून अधिक नेत्यांना, सर्वसामान्य कार्यकर्त्यांना आणीबाणी लादून तुरुंगात टाकण्याचे महापाप काँग्रेसने केले. त्यावेळच्या पंतप्रधान इंदिरा गांधी यांनी संविधानाचा गैरवापर केला होता, याचे फडणवीस यांनी स्मरण करून दिले .

Contact us for news or articles - dineshdamahe86@gmail.com

NewsToday24x7

Next Post

ही लोकसभा निवडणूक देशाच्‍या विकासासाठी - सुधीर मुनगंटीवार

Wed Apr 3 , 2024
– राष्ट्रवादी काँग्रेस कार्यकर्ता बैठक संपन्न चंद्रपूर :- ही लोकसभा निवडणूक केवळ तुमची,माझी किंवा कुटुंबाची नसून तर ही निवडणूक देशाच्‍या विकासासाठी असल्‍याचे प्रतिपादन चंद्रपूर-वणी-आर्णी लोकसभा मतदार संघाचे भाजपा-शिवसेना-राष्‍ट्रवादी व म‍ित्र पक्ष महायुतीचे उमेदवार सुधीर मुनगंटीवार यांनी केले. चंद्रपूर येथे मंगळवार, 2 एप्रिल रोजी राष्ट्रवादी काँग्रेस कार्यकर्त्‍यांची बैठक पार पडली. त्‍या बैठकीला ते संबोधित करत होते. बैठकीला राष्ट्रवादी काँग्रेसचे जिल्हाध्यक्ष नितीन […]

You May Like

Latest News

The Latest News

Social Media Auto Publish Powered By : XYZScripts.com
Verified by MonsterInsights