संदीप कांबळे, विशेष प्रतिनिधी
कामठी :- स्थानिक नवीन कामठी पोलीस स्टेशन हद्दीत येणाऱ्या खुशबू लॉन जवळील भरत टाऊन येथील एका कुलूपबंद घरातून अज्ञात चोरट्याने अवैधरित्या घरात प्रवेश करून बेडरूम मधील आलमारी फोडून सोन्या चांदीचे दागिने व नगदी चलनी रुपये असा एकूण 2 लक्ष 2 हजार 100 रुपयांची घरफोडी केल्याची घटना काल रात्री साडे आठ वाजता निदर्शनास आले असून यासंदर्भात फिर्यादी महिला शबाना शौकत अली वय 47 वर्षे रा भारत टाऊन कामठी ने पोलीस स्टेशन ला दिलेल्या तक्रारीवरून पोलिसांनी अज्ञात चोरट्या विरुद्ध भादवी कलम 454,457,380 अनव्ये गुन्हा दाखल केला आहे.
पोलिसांनी दिलेल्या माहितीनुसार सदर फिर्यादी महिला ह्या मुलीला व बहिनीला सोबत घेऊन 7 जून ला दुपारी 4 दरम्यान मुंबई येथील हाजी अली दर्ग्याला जाऊन 10 जून ला रात्री परत आले असता घरी कुणी नसल्याची संधी साधून अज्ञात चोरट्याने घरात 2 लक्ष 2 हजार 100 रुपयांची घरफोडी केल्याचे निदर्शनास आले त्यावरून पोलिसात तक्रार नोंदवली. पोलिसांनी गुन्हा दाखल केला असून पुढील तपास सुरू आहे.
