संदीप कांबळे, विशेष प्रतिनिधी
कामठी :- स्थानिक नवीन कामठी पोलीस स्टेशन हद्दीत येणाऱ्या नायगोदाम येथील एका कुलूपबंद घरातून अज्ञात चोरट्याने घरात अवैधरित्या प्रवेश करून 2 लक्ष 9 हजार 300 रुपयांची घरफोडी केल्याची घटना काल रात्री 7 वाजता घडली असून यासंदर्भात फिर्यादी प्रमिला येरगुंटवार वय 28 वर्षे रा नया गोदाम कामठी ने स्थानिक पोलिस स्टेशन ला दिलेल्या तक्रारीवरून अज्ञात चोरट्या विरुद्ध भादवी कलम 545,380 अनव्ये गुन्हा दाखल केला असून पुढील तपास सुरू आहे.
पोलिसांनी दिलेल्या माहितीनुसार सदर फिर्यादी महिला ह्या आपल्या घराला कुलूप लावून कामाला गेली असता अज्ञात चोरट्याने घराच्या स्वयंपाक खोली च्या दरवाजा तोडून अवैधरित्या घरात प्रवेश करून घरातील लोखंडी आलमारीत ठेवलेले सोन्या चांदीचे दागिने असा एकूण 2 लक्ष 9 हजार 300 रूपयाची घरफोडी केली.यासंदर्भात गुन्हा दाखल करण्यात आला असून पुढील तपास सुरू आहे
