नागपूर :-संविधान निर्माते डॉक्टर बाबासाहेब आंबेडकर यांच्या 133 व्या जयंती निमित्त व बसपाच्या 40 व्या स्थापना दिन निमित्ताने कही हम भूल न जाये अंतर्गत नागपूर जिल्हा व शहर बसपा च्या वतीने संविधान चौकात बाबासाहेब आंबेडकरांच्या पुतळ्याला माल्यार्पण करून अभिवादन करण्यात आले. याप्रसंगी बसपाचा 40 वा स्थापना दिवस जल्लोषात साजरा करण्यात आला. 
याप्रसंगी बसपाचे नागपूर लोकसभेचे उमेदवार योगेश लांजेवार व रामटेक लोकसभाचे उमेदवार संदीप मेश्राम प्रामुख्याने उपस्थित होते. या दोघांनीही आपापल्या क्षेत्रातील जनतेला आंबेडकर जयंतीच्या व बसपा स्थापनेच्या हार्दिक शुभेच्छा देत देत दुपारी एक वाजता संविधान चौकात एकत्र आले. 
याप्रसंगी बसपाचे प्रदेश मीडिया प्रभारी उत्तम शेवडे, विदर्भ झोन इन्चार्ज पृथ्वी शेडे, जिल्हा प्रभारी राहुल सोनटक्के, विलास सोमकुवर, जिल्हा उपाध्यक्ष अमित सिंग, जिल्हा सचिव अभिलेष वाहने, जिल्हा बीव्हीएफ राम गोनेकर, माजी महासचिव नागोराव जयकर, माझी मनपा पक्ष नेते जितेंद्र घोडेस्वार, गौतम पाटील, महिला नेत्या सुरेखा डोंगरे, शहराध्यक्ष प्रकाश गजभिये, महासचीव चंद्रशेखर कांबळे, तसेच धम्मपाल गोंगले, भास्कर कांबळे, जगदीश गजभिये, नितीन वंजारी, अभय डोंगरे आदी विधानसभा अध्यक्ष, जिल्हा, शहर, विधानसभा आजी माजी पदाधिकारी, कार्यकर्ते व हितचिंतक मोठ्या संख्येने उपस्थित होते.
