यवतमाळ :- विधानसभा सार्वत्रिक निवडणूक जिल्ह्यात चांगल्याप्रकारे पार पाडण्यासाठी आयोगाच्यावतीने सहा निरिक्षक दाखल झाले. वणी, राळेगाव, यवतमाळ, दिग्रससाठी अश्विनी कुमार सिंघल खर्च निरिक्षक म्हणून काम पाहणार आहे.
सिंघल हे भारतीय महसूल सेवेतील वरिष्ठ अधिकारी आहे. वणी, राळेगाव, यवतमाळ, दिग्रस या चार विधानसभा मतदारसंघातील सर्व खर्च विषयक बाबी ते पाहणार आहे. त्यांचा संपर्क क्रमांक ७४९९०३९०८९ असा आहे. या चार मतदारसंघातील उमेदवार, राजकीय पक्षाचे प्रतिनिधी, पदाधिकारी त्यांच्याशी या क्रमांकावर संपर्क साधू शकतात किंवा त्यांनी प्रत्यक्ष भेट घेऊ शकतील. निवडणूक खर्च विषयक तक्रार, निवेदन असल्यास निरिक्षकांशी संपर्क साधता येईल, असे निवडणूक उपजिल्हाधिकारी यांनी कळविले आहे.
